數碼鋼琴 Digital piano 其實係一種樂器，喜歡與否，好睇個人。
而呢篇文章，店長就科學地分析一下電鋼琴除左感覺上，其他可以比較的客觀數字。
何為好的手感？
1. 大力同細力的程度感應。(Dynamic control)
數碼琴係一部電腦，就你通過手指按落去琴鍵的時候，發出指令，部琴就會發出相等程度的音量。
比如，你用1kg的力按落去，佢就會發出1kg的音量，2kg的力按落去，就會發出2kg的音量。
睇睇以下呢條片就明白：
呢個時候，你就會問喇：喂！咁我用1.8KG的力按落去，佢係咪會發出1.8kg音量？
答案係，如果呢部琴（呢部電腦）只有2個力度感應，咁無論你係按1.8kg, 或者係3kg，
或者你用盡九牛二虎之力一野鋤落去100kg，佢都只會發出2kg音量，因為呢部機只係輸入左2隻data入去，輸出只有2隻聲的分別。
例子(一)：
Casiotone CT-200 只有一個力度感應，無論大細力，都係一樣聲。
例子(二)：Yamaha P125 有3個力度感應，可以彈到大／中／細力。
例子(三)：Roalnd FP30 有5個力度感應，可以彈到5個大細聲
係樂譜上面，一般可以用得到嘅，大約有8個大細力，
分別由最細聲嘅 ppp 去到最大聲嘅 fff
質量好的數碼琴，佢可以感應到的力度就越多。現時因為MIDI規格，十進制的0～127相當於十六進00～7Fh，所以理論上，最多可以做到128個力度的反應。
留意返，128係指唔同的聲，唔係指128個音量。
比如，你輕輕做一個跳音，係一個聲，你輕輕長按一個聲，又係另一隻聲。呢到已經係2個sample.
再進一步，你快速地，力力地按落去，會發出一個爆炸性的聲，係一個sample,
你快速地，輕輕按落去，會發出一個跳躍的聲，係一個sample,
你快速地，輕輕按落去，長按會發出一個悶聲，係一個sample,
好喇，講到呢到，我相信大家都明白數碼鋼琴手感好同唔好的定義。